ძალიან კარგი რამ თქვა დღეს ირაკლი კობახიძემ, ეს ჩემთვის დღევანდელი გამოსვლიდან ყველაზე კარგი სიტყვებია - სუსტი მამაკაცები ებრძვიან ძლიერ ქალბატონს, - ამის შესახებ „ქართული ოცნების“ თავმჯდომარე ბიძინა ივანიშვილმა ჟურნალისტებს განუცხადა.
მისი თქმით, სუსტ მამაკაცებსაც უნდა შევუნდოთ.
"სუსტ მამაკაცებსაც შევუნდოთ და მოვუწოდოთ, სიძულვილის ენა დაივიწყონ. ჩვენ პატარა ქვეყანა ვართ, ჩვენ ყველანი ერთმანეთთან უნდა დავდგეთ, ყველას მხარი მივცეთ, გავერთიანდეთ და მხოლოდ ამით მოვახერხებთ ჩვენი ქვეყნის გაერთაინებასა და წინსვლას", - განაცხადა ივანიშვილმა.
