ზოგიერთები 29 ოქტომბერს აპირებენ, ჩემი გადადგომა მოითხოვონ, იმდენად დარწმუნებული არიან, რომ პირველივე ტურში გავიმარჯვებ, - ამის შესახებ პრეზიდენტობის დამოუკიდებელმა კანდიდატმა სალომე ზურაბიშვილმა პირველ არხზე, გადაცემა „დებატები 2018“-ში განაცხადა.
მისი თქმით, როგორც ჩანს, საპრეზიდენტო არჩევნებში მან უკვე გაიმარჯვა.
„როგორც ჩანს, საპრეზიდენტო არჩევნებში უკვე გავიმარჯვე, რადგან როგორც ზოგიერთები სოციალურ ქსელებში აცხადებენ, 29-ში გამოდიან, რომ ჩემი გადადგომა მოითხოვონ, იმდენად დარწმუნებული არიან არამხოლოდ გამარჯვებაში, არამედ იმაში, რომ პირველივე ტურში გავიმარჯვებ“, - განაცხადა ზურაბიშვილმა და აღნიშნა, რომ ქვეყნისთვის საზოგადოებრივი გაერთიანება არის აუცილებელი, რათა ქვეყანამ მიაღწიოს ყველაფერს - ეს იქნება ნატო-სა და ევროკავშირში შესვლა თუ ქვეყნის განვითარება.
