„ჩვენი მთავარი იდეა არის ის, რომ საქართველოს სჭირდება წინსვლა, საქართველოს სჭირდება განვითარება,– ამის შესახებ „ევროპული საქართველოს“ პრეზიდენტობის კანდიდატმა, დავით ბაქრაძემ პირველი არხის ეთერში, გადაცემაში „დებატები 2018“ განაცხადა, გადაცემის წამყვანის, გიორგი გვიმრაძის კითხვის – „რა არის თქვენი მთავარი იდეა“ პასუხად.
ბაქრაძის თქმით, ხელისუფლება დღემდე დაკავებულია თავის მართლებით და დღემდე დაკავებულია იმის მტკიცებით, რომ ქვეყანაში ყველაფერი არის კარგად და ხალხი ვერ იგებს.
„ჩვენი მთავარი იდეა არის ის, რომ საქართველოს სჭირდება წინსვლა, საქართველოს სჭირდება განვითარება. „ქართულმა ოცნებამ“ ქვეყანას ვერ მოუტანა განვითარება. ხელისუფლება დღემდე დაკავებულია წარსულთან ბრძოლით, ხელისუფლება დღემდე დაკავებულია თავის მართლებით და დღემდე დაკავებულია იმის მტკიცებით, რომ ქვეყანაში ყველაფერი არის კარგად და ხალხი ვერ იგებს“, – განაცხადა დავით ბაქრაძემ.
