დღეს ჩვენს ქვეყანაში განსხვავებული აზრის გამოთქმა ნებისმიერ ადამიანს შეუძლია, – ამის შესახებ თბილისის მერმა კახა კალაძემ განაცხადა.
მისი თქმით, თუმცა არსებობს რაღაც ზღვარი.
„ძირითადად, „რუსთავი 2“-ის სარედაქციო პოლიტიკა დაფუძნებულია სიცრუეზე სიძულვილზე და ამის არაერთი მაგალითი შემიძლია მოვიყვანო. ეს არის სამწუხარო რეალობა. თუმცა მედიაპლურალიზმი არის მნიშვნელოვანი, სიტყვის თავისუფლება არის მნიშვნელოვანი. დღეს ჩვენს ქვეყანაში განსხვავებული აზრის გამოთქმა ნებისმიერ ადამიანს შეუძლია, განსხვავებით იმ წლებისგან, როცა ეს შეზღუდული იყო. თუმცა არსებობს რაღაც ზღვარი. პირადი შეურაცხყოფები მიუღებელია“, – განაცხადა კახა კალაძემ.
