ვფიქრობ, რომ საზოგადოებამ ზუსტად დაინახა, სად არის სიმართლე და სად არის სიყალბე, ამას დაეთმო გუშინდელი გადაცემა, - ამის შესახებ პარლამენტის თავმჯდომარე ირაკლი კობახიძემ "ქართული ოცნების" თამვჯდომარის, ბიძინა ივანიშვილის გუშინდელ ინტერვიუსთან დაკავშირებით განაცხადა.
მისი თქმით, ბიძინა ივანიშვილის გუშინდელი ინტერვიუს დროს საზოგადოებამ ძალიან კარგად დაინახა, რეალურად რა და როგორ ხდება ჩვენს ქვეყანაში.
"ეს იყო პარტიის თავმჯდომარის გამოსვლა, სადაც საუბარი იყო იმ ვითარებაზე, რეალობაზე, რომელიც ჩამოყალიბდა ქვეყანაში. ძალიან ცუდია, რომ ამ ფორმით წარიმართა დისკუსია და ხედავდით, ვინ იყო ამ ყველაფრის ინიციატორი, რამდენად ირღვეოდა ჟურნალისტური ეთიკის სტანდარტები. ამ დისკუსიის წარმართვის დროს, რომელიც არის ძალიან სამწუხარო, იყო საუბარი, სად არის სიმართლე და სად სიყალბე. ჩემი აზრით, საზოგადოებამ ძალიან კარგად დაინახა, რეალურად რა და როგორ არის ამ ქვეყანაში“, – განაცხადა ირაკლი კობახიძემ.
