დღეს ინფორმაციის თავისუფლების განვითარების ინსტიტუტი (IDFI) გამართავს პოსტსაბჭოთა ქვეყნებში სახელმწიფო არქივების ღიაობის შეფასების ახალი ვებგვერდის პრეზენტაციას.
ღონისძიებაზე ასევე წარმოდგენილი იქნება IDFI-ის და მისი პარტნიორების, პოსტსაბჭოთა ქვეყნებში მოღვაწე მკვლევარების მიერ ჩატარებული კვლევის შედეგები. კვლევაში შეფასებულია 10 ქვეყნის (საქართველო, სომხეთი, აზერბაიჯანი, ბელარუსი, ყაზახეთი, ყირგიზეთი, უკრაინა, მოლდოვა, რუსეთი, უზბეკეთი) საარქივო კანონმდებლობა და სახელმწიფო არქივების ღიაობის არსებული პრაქტიკა.
