ზაზა ოქუაშვილი არც ბიუჯეტში იხდის თანხას და არც ტელევიზიის თანამშრომლებს უხდის ხელფასს, - ამის შესახებ საპარლამენტო უმრავლესობის წევრმა გია ვოლსკიმ განაცხადა.
მისი თქმით, ოქუაშვილის ქმედებები თაღლითობაა.
„ვფიქრობ, საკმაოდ მიკერძოებულად და დიდი დოზით დეზინფორმაციით მოქმედებს ზაზა ოქუაშვილი, რომელიც არც ბიუჯეტში იხდის თანხას და არც ტელევიზიის თანამშრომლებს უხდის ხელფასს. ამ ადამიანთან გვაქვს საქმე და მე ამას სამართლებრივ შეფასებას ვერ მივცემ.
ეს ადამიანი ჩანაწერებს აკეთებს, რაღაც განცხადებებით გამოდის და სახელმწიფოს ბიუჯეტში არ იხდის თანხას და აშკარად იტყუება, როდესაც ამბობს, რომ არანაირი შეთავაზება კომპრომისთან დაკავშირებით არ ჰქონდა. მე ვფიქრობ, რომ ეს თაღლითობაა“, – განაცხადა გია ვოლსკიმ.
