"ტვ პირველის" გადაცემა "რეაქციის" წამყვანი ინგა გრიგოლია "ქართული ოცნების" თავმჯდომარე ბიძინა ივანიშვილთან ინტერვიუს ვერ დაესწრება.
როგორც სოციალურ ქსელში გრიგოლიამ დაწერა, "ტვ პირველი" გადაწყვეტს, ვინ მიიღებს მონაწილეობას ამ შეხვედრაში.
"სიამოვნებით წავიდოდი,რადგან მგონია, რომ საინტერესო ბრიფინგი იქნება, მაგრამ ხვალ 20.00-ზე მეწყება გადაცემა "რეაქცია" რომელიც გრძელდებაზუსტად იმ დრომდე, როცა იწყება ბიძინა ივანიშვილის ინტერვიუ ჟურნალისტებთან. ფიზიკურად ვერ მოვახერხებ, ამიტომ ტვ "პირველი" გადაწყვეტს, ვინ მიიღებს მონაწილეობას ჩვენგან ამ შეხვედრაში. მადლობა ყურადღებისთვის.
p.s. ჩავამატებ ბარემ,ნებისმიერ დროს სიამოვნებით ავიღებ ინტერვიუს მისგან", - წერს გრიგოლია.
ცნობისთვის, „ქართული ოცნება - დემოკრატიული საქართველოს“ პარტიის თავმჯდომარე ბიძინა ივანიშვილი იმედის, რუსთავი 2-სა და ტვ პირველის თოქ-შოუების წამყვანებს ინტერვიუზე იწვევს.
