საგარეჯოს მუნიციპალიტეტის სოფელ იორმუღანლოში 17 წლის ჰუსნია მამედოვა მოიტაცეს.
შემთხვევა გუშინ საღამოს მოხდა. არსებული ინფორმაციით, გოგონა სოფელ თულარის მკვიდრმა სრულწლოვანმა ბიჭმა სახლიდან მოიტაცა.
მიუხედავად იმისა, რომ გატაცებული გოგონას ოჯახი პოლიციას მაშინვე დაუკავშირდა, გოგონას ამ დრომდე ვერ პოულობენ.
შინაგან საქმეთა სამინისტროში აცხადებენ, რომ გამოძიება 143-ე მუხლით მიმდინარეობს, რაც თავისუფლების უკანონო აღკვეთას გულისხმობს. ჩადენილი დანაშაული 7-დან 10 წლამდე თავისუფლების აღკვეთას ითვალისწინებს.
