ჩხოროწყუს პოლიციის უფროსი ჯუმბერ იზორია თანამდებობიდან გადადგა.
მან პოსტი საკუთარი განცხადების საფუძველზე დატოვა.
"რუსთავი 2"-ის ინფორმაციით, მათთან საუბრის დროს იზორია ადასტურებს, რომ მისი გადადგომა 29 სექტემბრის ”შაბათის კურიერში” გასულ რეპორტაჟს უკავშირდება.
მათივე ცნობით, სწორედ პოლიციის უკვე ყოფილი მაღალჩინოსნის ოჯახიდან იყიდებოდა ოკუპირებული აფხაზეთიდან გადმოტანილი კონტრაბანდული სიგარეტი და საწვავი.
თამბაქოს რეალიზაცია "კურიერმა" ფარული კამერით გადაიღო, რის გამოც იზორიას ოჯახმა ტელევიზიის გადამღებ ჯგუფს კამერა დაამტვრია და შეურაცხყოფა მიაყენა.
"უკავშირდება უსაფუძვლო ბრალდებებს ჩემი ნათესავების დაბრალებული უსაფუძვლო ბრალდებებს, რომელსაც სიმართლესთან არანაირი კავშირი არ ჰქონდა. მე არ მიმაჩნია სწორედ რომ ამ ბრალდებების მერე ადამიანი მუშაობდეს ამ თანამდებობაზე და მეთვითონ გადავწყვიტე და დავტოვე თანამდებობა,"-განაცხად აჯუმბერ იზორიამ.
