ცხინვალის დეფაქტო ხელისუფლების მედია უკანონოდ დაკავებული მაია ოთინაშვილის ფოტოს ავრცელებს.
დეფაქტო ხელისუფლების მედია წერს, რომ დაკავებული მაია ოთინაშვილი ოსური მედიასაშუალებების წარმომადგენლებმა მოინახულეს, მას დაზიანებები არ აღენიშნება და გავრცელებული ინფორმაცია, რომ ოთინაშვილი ნაცემია სიმართლეს არ შეესაბამება.
გამოცემა ოთინაშვილის კომენტარსაც ავრცელებს, რომელიც, მათივე თქმით, ამბობს, რომ „ისინი კარგად მექცევიან, არ ვუჩივი ჯანმრთელობის მდგომარეობას, მაგრამ სახლში მინდა“.
შეგახსენებთ, ხურვალეთში მცხოვრები მაია ოთინაშვილი, რომელსაც სამი არასრულწლოვანი შვილი ჰყავს, რუსეთის საოკუპაციო ძალების წარმომადგენლებმა 29 სექტემბერს დააკავეს.
