დღევანდელ მოცემულობაში, ლევან ყიფიანის ქმედებაში, დანაშაულის ნიშნები არ იკვეთება, - ამის შესახებ სპორტისა და ახალგაზრდობის საქმეთა ყოფილი მინიატრის, ლევან ყიფიანის ადვოკატმა, შალვა ხაჭაპურიძემ განაცხადა. მისივე განმარტებით, ზაზა ოქუაშვილმა ბანკიდან თანხის გატანასთან დაკავშირებით, არასწორი ინფორმაცია გაავრცელა.
"ოქუაშვილმა არასწორი ინფორმაცია გაავრცელა, როდესაც განაცხადა, რომ ბანკიდან ფულის გატანა ერთჯერადად მოხდა. ბანკიდან თანხა სამჯერ იქნა გამოტანილი. ეს ყველაფერი სხვადასხვა დღეებში მოხდა და რომელ დღეს, სად ურეკავდა ფარცხალაძეს არ ვიცი. იმედია მოგვთხოვს გამოძიება იმის დამადასტურებელ მტკიცებულებებს, რომ ჩანაწერები გაყალბებულია. ჩვენ რა თქმა უნდა გვაქვს მტკიცებულებები ჩვენი ვერსიის დასადასტურებლად. შედეგი სადაა რომ თაღლითობაზე ან თანხების მითვისებაზე ვისაუბროთ?! იმის ფაქტი, რომ ჩანაწერი საზღვარგარეთ იყო გამოყენებული ჩვენ არ გვაქვს", - აცხადებს ხაჭაპურიძე.
