ეს არის ფარსი, არ ვიცი რა დავარქვა. ამ თემაზე რომ ვილაპარაკო, ეს არის შეურაცხმყოფელი, ასეთი რამ არ ყოფილა, - ასე გამოხმაურა სპორტისა და აზალგაზრდობის საქმეთა ყოფილი მინისტრი, ლევან ყიფიანი გავრცელებულ ინფორმაციას, რომ ის ერთ-ერთი კონსპირაციული ბინის სარდაფში ჩაიყვანეს და ფიზიკურად გაუსწორდნენ.
მისივე განმარტებით, ზაზა ოქუაშვილი მას თავად უსახელებდა იმ პირევის ვინაობას, ვინც მას ფინანსური პრობლემების მოგვარებაში ეხმარებოდა.
"ბატონი ზაზა ოქუაშვილი თავად მიდასტურებდა, რომ ამ პროცესში ბატონი ჩუბინიშვილი ეხმარებოდა. მისახელებდა მის გვარს და სხვადასხვა გვარებს ასახელებდა, მაგრამ კიდევ ერთხელ გიდასტურებთ, ეს იყო ისეთი შანტაჟი, ისეთი ქცევა, რომელიც მან გამოიყენა თავისი ფინანსური ინტერესებიდან გამომდინარე. მან მოახდინა ამის პოლიტიკურ ინტერესებში გადაზრდა. მე მხოლოდ ბიზნესინტერესები მაინტერესებდა. ამ ორგანიზაციაში მქონდა ჩემი პირადი ბიზნესურთიერთობა. ძალიან ბევრ ადამიანთან მქონდა კავშირი, დღესაც მაქვს, ხვალაც მექნება და ზეგაც", - დასძენს ყოფილი მინისტრი.
ის ბანკიდან თანხის გატანას ადასტურებს, თუმცა, მისთვის უცნობია, თუ სად წავიდა ის ფული. "ბანკთან მიმართებაში ჩემი ინტერესი რატომ არის გასაკვირი. მე ბანკში ვიმყიფებოდი, თანხის გატანა მოხდა და სად წავიდა ის ფული, ჩემთვის უცნობია", - აღნიშნავს ყიფიანი.
