საქართველოს უზენასი სასამართლოა ინფორმაციით, ბოლო ათი წლის განმავლობაში მსჯავრდებულთა ყველაზე მეტი რაოდენობა 2007 წელს დაფიქსირდა და 21 ათას 170 ერთეული მსჯავრდებული შეადგინა.

მსჯავრდებულთა მიმართ, სასჯელის ღონისძიებების სტატისტიკა შემდეგი სახისაა; 2010 წლის ექსვ თვეში თავისუფლება არეკვეთა 4 ათას 785 პირს, პირობითი მსჯავრი დაეკისრა 4 ათას 610 პირს, ჯარიმა 619 პირს, გადაედო განაჩენის აღსრულება 3 პირს, სხვა 15 პირს.

2009 წელს მსჯავრდებულთა მიმართ, განხორციელებული სასჯელის ღონისძიებების მიხედვით, თავისუფლება აღეკვეთა 8 ათას 384 პირს, პირობითი მსჯავრი დედო 8 ათას 599 პირს, ჯარიმა დაეკისრა 1324 პირს, განაჩენის აღსრულება გადაედო 4 პირს, ხოლო სხვა სახის სასჯელმა 43 ერთეული შეადგინა.

2007 წელს კი თავისუფლება აღეკვეთა 9 ათას 798 პირს, გამოსაწორებელი სამუშაოები მიესაჯა 7 პირს, პირიობითი მსჯავრი დაედო 9 ათას 585 პირს, ჯარიმა დაეკისრა 828 პირს, გადაედო განაჩენის აღსრულება 7 პირს, ხოლო სასჯელის სხვა ღონისძიებები შეეფარდა 955 პირს.

უნდა აღინიშნოს, რომ სასჯელად გამასწორებელი სამუშაოები ყველაზე მეტჯერ 2005 წელს იქნა გამოყენებული - 182 შემთხვევა, ხოლო 2009 წელს ეს მაჩვენებელი 0 ტოლია.
პირობითი მსჯავრი ყველაზე მეტჯერ გამოყენებული იქნა 2008 წელს - 10 ათას 61 ერთეული, ყველაზე ნაკლებად კი ბოლო 10 წლის მონაცემების მიხედვით - 2001 წელს.
სასჯელად ჯარიმების გამოყენების მაჩვენებელი ყველაზე მაღალია 2002 წელს - 2 ათას 394 ყველაზე დაბალი კი 2007 წელს - 828.