ტელეკომპანია „პირველის“ მიერ გავრცელებული ინფორმაციით, დემირელის კოლეჯის ხარსიხსის მართვის ყოფილმა მენეჯერმა, მუსტაფა ემრე ჩაბუქმა ქვეყანა დატოვა.
ჩაბუქის ადვოკატი, სოსო ბარათაშვილი „ჯი- ეიჩ-ენთან“ საუბარში აცხადებს, რომ აღნიშნულ საკითხთან დაკავშირებით კომენტარს ევრ გააკეთებს, რადგან ჩაბუქი ოჯახის წევრებთან ერთად სახელმწიფო დაცვის სპეციალური პროგრამით სარგებლობს. თუმცა, ადვოკატი დასძენს, რომ მისი დაცვის ქვეშ მყოფის მიერ ქვეყნის დატოვების ფაქტს ვერ დაადასტურებს.
„სამწუხაროდ, ვერანიარ კომენტარს გავაკეთებ, ვინაიდან ბატონი მუსტაფა ემრე ჩაბუქი, ისევე როგორც, მისი ოჯახის წევრები, ჩართული იყვნენ სახელმწიფო დაცვის სპეციალურ პროგრამაში. აქედან გამომდინარე, ინფორმაციის გაცემის უფლება არ მაქვს.
მე არ ვადასტურებ ქვეყნის დატოვებას. ეს დასაზუსტებელი საკითხია“, - აცხადებს ბარათაშვილი.
შეგახსენებთ, რომ დემირელის კოლეჯის ხარისხის მართვის მენეჯერი, მუსტაფა ემრე ჩაბუქი, 19 თებერვალს, თბილისის საქალაქო სასამართლომ 1000 ლარიანი გირაოს სანაცვლოდ გაათავისუფლა. მას თუქრული მხარე ტერორისტებთან კავშირში ადანაშაულებს.
