„ქართული ოცნების“ საპრეზიდენტო კანდიდატთან დაკავშირებით არაფერი არ არის გადაწყვეტილი, - ამის შესახებ საქართველოს პარლამენტის ვიცე-სპიკერმა გია ვოლსკიმ განაცხადა.
მისი თქმით, როცა საპრეზიდენტო კანდიდატი შეთანხმდება, მას გუნდი დაასახელებს.
„ხაზგასმით და მტკიცებით ფორმაში მინდა გითხრათ, რომ გადაწყვეტილი არაფერი არ არის. როცა გადაწყდება, გუნდი იტყვის. გუნდი ვისაც დაავალებს, ამ თემაზე სპიკერი ის იქნება და არ მინდა, წინასწარ რამეზე ვილაპარაკო“, – განუცხადა ვოლსკიმ ჟურნალისტებს.
