ტყიბულში, მინდელის სახელობის შახტში მომხდარი შემთხვევის საგანგებო განხილვა უნდა მოხდეს, - ამის შესახებ საქართველოს პარლამენტის ვიცე-სპიკერმა გია ვოლსკიმ განაცხადა.
მისი თქმით, დამსაქმებელმა გარკვეული ხარჯი უნდა გაიღოს, მაგრამ თავად პროფესია დაკავშირებულია ძალიან დიდ საფრთხესთან.
„ასეთი ტრაგიკული შემთხვევები, ამდენი ხალხის დაღუპვა იმ დასახლების პრობლემა არ არის, ეს მთლიანად საქართველოს პრობლემაა და საკითხს საგანგებო განხილვა სჭირდება, მაგრამ რამდენიც არ უნდა განიხილო, როგორი ძლიერი ინსპექტირების სისტემაც არ უნდა ჩამოაყალიბო, დამსაქმებელმა გაცილებით უფრო მეტი უნდა იზრუნოს. ალბათ, პროფესიონალის დასკვნა არის საჭირო”, –განაცხადა ვოლსკიმ.
ცნობისთვის, ტყიბულში, მინდელის სახელობის შახტში 4 მუშა დაიღუპა და 6 დაშავდა.
