შეიძლება პასუხისმგებელმა სტრუქტურამ 2 დღეში ურთიერთგამომრიცხავი ორი განცხადება გააკეთოს და შედეგი არ იწვნიოს? შეიძლება რომ სრულიად გადაუმოწმებელი, არაკვალიფიციური, მოუმზადებელი რამ უთხრა ხალხს, მერე გადათქვა და მერე არაფერი? სულ მცირე უპუხისმგებლობაა და უარეს შემთხვევაში მანიპულაცია, - ამის შესახებ იუსტიციის უმაღლესი საბჭოს არამოსამართლე წევრი ანა დოლიძე სოციალურ ქსელში შინაგან საქმეთა სამინისტროს განცხადებასთან დაკავიშირებით წერს.
მისი თქმით, უნდა გამოვიდეს ახლა შს სამინისტრო, ახსნას რატომ მოხდა ეს. სხვა შემთხვევაში გამოდის რომ მის წინასწარ დასკვნებს ჩირის ფასი აქვს.
"ხადას ხეობის ამბავი ხომ საშინელი ტრაგედიაა. როგორ უნდა გადავიტანოთ ეს ყველამ საკითხავია. მაგრამ უპასუხისმგებლობის და დაუსჯელობის გამეფებულ სინდრომზე რომ ვსაუბრობ ხოლმე შსს-ს ამ შემთხვევას ვგულისხმობ: ორი დღეა სამინისტრო გვეუბნებოდა რომ ძალადობის ნიშნები არ აღინიშნებაო, ახლა გვეუბნებიან საზარელი, თრილერის მსგავსი მკვლელობის შესახებ. შეიძლება პასუხისმგებელმა სტრუქტურამ 2 დღეში ურთიერთგამომრიცხავი ორი განცხადება გააკეთოს და შედეგი არ იწვნიოს? შეიძლება რომ სრულიად გადაუმოწმებელი, არაკვალიფიციური, მოუმზადებელი რამ უთხრა ხალხს, მერე გადათქვა და მერე არაფერი? სულ მცირე უპუხისმგებლობაა და უარეს შემთხვევაში მანიპულაცია. ამ სიმაღლის სახელმწიფო უწყებას ბევრად მეტი დაფიქრება და სიფრთხილე მართებს. თუ არ იცი მიზეზი, თქვი რომ იძიებ, დაადგენ და იტყვი რომ გაარკვევ. უნდა გამოვიდეს ახლა სამინისტრო, ახსნას რატომ მოხდა ეს. სხვა შემთხვევაში გამოდის რომ მის წინასწარ დასკვნებს ჩირის ფასი აქვს", - წერს დოლიძე.
ცნობისთვის, თავდაპირველად, შსს-მ გაავრცელა განცხადება, სადაც აღნიშნავდა, რომ პირველადი დათვალიერებით ცხედრებს ძალადობის კვალი არ აღენიშნებოდათ.
