კანადის სენატმა სრულიად მოახდინა მარიხუანის გაყიდვის და მოხმარების ლეგალიზება. ამის შესახებ ინფორმაციას „Associated Press“-ი ავრცელებს.
კანონპროპექტს მხარი 52 სენატორმა დაუჭირა, 29 ის წინააღმდეგ.
ეხლა უკვე ყველა სრულწლოვან მოქალაქეს შეუძლია შეიძინოს 30 გრამამდე ნარკოტიკი. ასევე უფლება აქვს იქონიოს და გაზარდოს ის საკუთარ სახლში ოთხ ბუჩქამდე. მარიხუანა ასევე გაიყიდება ონლაინ მაღაზიებშიც. თუმცა, მისით ვაჭრობა აკრძალულია იმ ადგილებში სადაც ხდება თამბაქოსა და ალკოჰოლის რეალიზაცია.
განსაკუთრებით მძაფრი აზრთა სხვადასხვაობა გამოიწვია კანონპროექტის მიღებისას ასაკობრივმა ბარიერმა. თუ რომელი წლიდან შეუძლიათ ნარკოტიკის მოხმარება. ბევრი იყო თანახმა რომ ასაკი 21 წლამდე აეწიათ. თუმცა, სენატორთა უმრავლესობა დათანხმდა იმ აზრს, რომ ეს ხელს შეუწყობდა შავი ბაზრის გაჩენას.
„დღეს ჩვენ ისტორიული ხმის მიცემის მომსწრენი ვართ სენატში, რამაც ბოლო მოუღო 90 წლიან აკრძალვას ქვეყანაში, 90 წლიან კრიმინალიზაციას, რომელიც რეალურად არანაიდ შედეგს არ გვაძლევდა“ - განაცხადა პარლამენტის უმაღლესი პალატის წევრმა ტონ დინმა.
სენატის გადაწყვეტილებას მიესალმნენ კანადის ხელისუფლების სხვა წევრებიც, მათ შორის პრემიერი ჯასტინ ტრიუდოც. კანადის ჯანდაცვის სამინისტრო აცხადებს, რომ ქვეყანა ატარებს "გონივრულ და სამართლიან პოლიტიკას მარიხუანის გავრცელებასთან დაკავშირებით".
