სამთავრობო ცვლილებებთან დაკავშირებით, როგორც ასეთი, მსჯელობა არ ყოფილა, – ამის შესახებ უმრავლესობის დეპუტატმა ოთარ დანელიამ განაცხადა.
მისი თქმით, პირველ რიგში, საუბარი იყო UNICEF-ის სტატისტიკურ მონაცემებზე, რომელიც დღეს გამოქვეყნდა.
„პირველ რიგში, მინდა აღვნიშნო, რომ ვინაიდან ეს იყო შიდა შეხვედრა, რა თქმა უნდა, ამ შეხვედრაზე გარეთ საუბარი არ არის სწორი. ამიტომ, თქვენის ნებართვით, მე თავს შევიკავებ ჩემი პოზიციისგან, მაგრამ უახლოეს მომავალში, აუცილებლად დავაფიქსირებ ჩემს პოზიციას“, – განაცხადა ოთარ დანელიამ.
