თეა წულუკიანი არ ყოფილა ასეთი ადამიანი. მისი თაოსნობით, ექვსი წლის განმავლობაში, რეფორმები არ ყოფილა ეფექტიანი და შესაბამისად, ამიტომ ვითხოვდით მის გადადგომას, – ამის შესახებ „საერთაშორისო გამჭვირვალობა-საქართველოს“ ხელმძღვანელმა ეკა გიგაურმა თეა წულუკიანის გადადგომის მოთხოვნასთან დაკავშირებით, ჟურნალისტებს განუცხადა.
მისი თქმით, ძალიან მნიშვნელოვანია, ერთი მხრივ, მოხდეს ხორავას ქუჩის მკვლელობის საქმის გამოძიება, მაგრამ მეორე მხრივ, გაკეთდეს ანალიზი, თუ რატომ მივედით ამ პრობლემებამდე.
მისივე თქმით, პრობლემები მართლმსაჯულების არაეფექტიანმა რეფორმამ გამოიწვია.
„ჩვენ ვფიქრობთ, ეს ყველაფერი მოხდა იმიტომ, რომ წლების განმავლობაში, ამ ქვეყანაში მართლმსაჯულების რეფორმა არ იყო ეფექტიანი. ზუსტად ამიტომ, ზოგიერთი საზოგადოების წარმომადგენელი საუბრობს კითხვებზე კონკრეტულ გამოძიებებთან დაკავშირებით და ისინი საუბრობენ უსამართლობაზე. ზუსტად, ამიტომ არის ძალიან მნიშვნელოვანი, რომ ეს რეფორმები გატარდეს“, – განაცხადა გიგაურმა, რომელმაც აქვე აღნიშნა, რომ რეფორმებს სათავეში უნდა ჩაუდგეს ადამიანი, რომელსაც ექნება ზუსტი ხედვა და იქნება მიმართული რეფორმების ეფექტიანობაზე.
