თავისი მრწამსის მიუხედავად ყველა ადამიანი თანასწორია, განაცხადა "სი-ენ_ენთან" ინტერვიუში აშშ-ს პრეზიდენტმა ბარაკ ობამამ და თავი აარიდა პირდაპირ პასუხს კითხვაზე, ემხრობა თუ არა იგი ნიუ-იორკში ისლამური ცენტრის მშენებლობის იდეას.
"აღნიშნულზე კომენტარი არ გამიკეთებია და არც ვაპირებ", - განაცხადა პრეზიდენტმა და დასძინა, რომ "თავისი რელიგიური მრწამსის მიუხედავად ყველა ადამიანი თანასწორია".
მისი განმარტებით, ეს უფრო ფართო პრიციპების მატარებელი იდეაა, რომელსაც მთავრობამ უნდა დაუჭიროს მხარი.
ობამა აცხადებს, რომ აშშ-ში ყველა ადამიანს გააჩნია თანაბარი უფლებები მათი რელიგიური მრწამსის მიუხედავად.
თეთრი სახლის განმარტებით, კი ცალკეული ადგილობრივი პროექტების განხორციელების მხარდაჭერა და მასზე კომენტარების კეთება პრეზიდენტის პრეროგატივას არ წარმოადგენს.
"ეს არ არის პრეზიდენტის ვალდებულება, რომ განიხილოს ადგილობრივი პროექტები. მაგრამ მისი პასუხისმგებლობაა მხარი დაუჭიროს კოსტიტუციით აღიარებულ პრინციპებს რელიგიური თავისუფლებისა და ამერიკელების თანაბარი განვითარების შესახებ", - განაცხადა თეთრი სახლის ოფიციალურმა წარმომადგენელმა ბილ ბერტონმა.
შეგახსენებთ, რომ თეთრ სახლში რამადანისადმი მიძღვნილ სადილზე აშშ-ს პრეზიდენტმა განაცხადა, რომ "მუსულმანებს გააჩნიათ იგივე უფლებები საკუთარი რელიგიის განვითარებისთვის როგორიც ნებისმიერ სხვას".
მან განმარტა, რომ ეს გულისხმობს სამლოცველოების გახსნასაც ადგილობრივი კანონმდებლობის შესაბამისად.
ობამას გამონათქვამს აშშ-ს პოლიტიკურ და საზოგადოებრივ წრეებში სხვადასხვა შეფასებები მოყვა. მას გამოუჩდნენ როგორც მომხრეები ასვე მოწინააღმდეგეები.
