აშშ-ის პრეზიდენტმა დონალდ ტრამპმა თავის ამჟამინდელ პოლიტიკას „ამერიკის ოქროს ხანა“ უწოდა და აღნიშნა, რომ ქვეყნის ისტორიაში რეკორდულმა წარმატებებმა ტრანსფორმაცია, რომლის მსგავსიც არავის უნახავს, საუკუნის გარდატეხა გამოიწვია.
ამის შესახებ ამერიკის ლიდერმა ოთხშაბათს, 25 თებერვალს, წარმომადგენელთა პალატისა და სენატისადმი ყოველწლიური მოხსენების დროს განაცხადა.
„ჩვენი ერი დაბრუნდა - უფრო დიდი, უკეთესი, მდიდარი და ძლიერი, ვიდრე ოდესმე. ეს ამერიკის ოქროს ხანაა“, - თქვა ტრამპმა.
აშშ-ის პრეზიდენტის თქმით, ქვეყნის საზღვრები დაცულია, ქვეყნის „ეკონომიკა ისე ძლიერდება, როგორც არასდროს“ და „ამერიკის მტრები შეშინებულები არიან“.
საშინაო პოლიტიკაზე საუბრისას, ტრამპმა ეკონომიკური წარმატებები საკუტარ წარმატებად გამოაცხადა: ბენზინის ფასების შემცირება, ინფლაციის სტაბილიზაცია და საბინაო ბაზრის გაუმჯობესება.
აშშ-ის პრეზიდენტმა ასევე შეაქო მისი გადაწყვეტილება, დაეწესებინა ტარიფები ქვეყნების უმეტესობის საქონელზე და თქვა, რომ მათგან მიღებულმა შემოსავალმა მომავალში შეიძლება ჩაანაცვლოს სისტემა, რომლის მიხედვითაც ამერიკელები იხდიან საშემოსავლო გადასახადს.
ტრამპის თქმით, შეერთებულმა შტატებმა მისი პრეზიდენტობის პირველ წელს 18 ტრილიონ დოლარზე მეტი ინვესტიცია მოიზიდა. CNN-ის მიმომხილველი დენიელ ლეინი აღნიშნავს, რომ ეს მტკიცება სიმართლისგან შორს არის: თვით თეთრი სახლიც კი თავის ვებგვერზე „საინვესტიციო განცხადებების“ რაოდენობას 9,7 ტრილიონ დოლარად აფასებს და ეს მხოლოდ განცხადებებია და არა რაიმე კონკრეტული დაპირება.
ამერიკის პრეზიდენტის ერისადმი მიმართვის ნაწილი აშშ-ის საგარეო პოლიტიკაში მის ქმედებებს დაეთმო.
ტრამპმა სიამაყით აღნიშნა, 2023 წლის ოქტომბერში ისრაელზე ჰამასის ტერორისტული დაჯგუფების თავდასხმის დროს გატაცებული ისრაელელი მძევლების ტყვეობიდან დაბრუნების პროცესი.
ტრამპმა ასევე გაიმეორა თავისი განცხადებები „რვა ომის დასრულების“ შესახებ.
მან მხოლოდ მოკლედ ახსენა რუსეთის მიერ უკრაინის წინააღმდეგ დაწყებული სრულმასშტაბიანი ომი, მიუხედავად იმისა, რომ მისი გამოსვლის თარიღი რუსეთის მიერ მეზობელ ქვეყანაში შეჭრის მეოთხე წლისთავს დაემთხვა.
ტრამპმა განაცხადა, რომ მისი ადმინისტრაცია „უზარმაზარ ძალისხმევას დებს“ ომის დასასრულებლად.
როგორც ადრე, ტრამპმა ახლაც განაცხადა, რომ რუსეთის ომი უკრაინის წინააღმდეგ არასდროს მოხდებოდა, ის, რომ პრეზიდენტი ყოფილიყო.
