მისი [მთავარი პროკურორის, ირაკლი შოთაძის] პასუხისმგებლობის საკითხი უნდა დადგეს, პირველ რიგში, და ასე გამოჩნდება ხელისუფლება რამდენად ადეკვატურად რეაგირებს ამ მძიმე პროცესზე, - ამის შესახებ "რესპუბლიკური პარტიის" თავმჯდომარე ხათუნა სამნიძემ პროკურატურასთან განაცხადა.
მისი თქმით, შოთაძის დღევანდელი განცხადება იყო სრულიად არაადეკვატური და სამარცხვინო.
„ჩვენ არაერთხელ მოგვისმენია, სამწუხაროდ, პროკურატურისგან ასეთი ტიპის განცხადებები. მან დაადასტურა, რომ როგორც მინიმუმ, პროკურატურამ ვერ გააკეთა და ვერ გამოიძია საქმე, მაქსიმუმ, ხელს აფარებს სწორედ დამნაშავეებს“, - განაცხადა სამნიძემ, რომელმაც აქვე აღნიშნა, რომ უცხოელი პროკურორებიც რომ ჩამოვიდნენ, ძნელი იქნება საქმის გამოძიება, რადგან ყველა მტკიცებულება განადგურებულია.