მოკლული მოზარდების საქმეში მთავარი პროკურატურისა და სასამართლო სისტემის სრული ჩავარდნაა, - ამის შესახებ პარლამენტის ვიცე-სპიკერმა სერგი კაპანაძემ ჟურნალისტებთან საუბრისას განაცხადა.
მისი თქმით, პარლამენტში, ხორავას ქუჩაზე მომხდარი მკვლელობის საქმის დროებითი საგამოძიებო კომისია აუცილებლად უნდა შეიქმნას.
„საზოგადოებამ აშკარად დაინახა, რომ ხორავას ქუჩაზე მოკლული მოზარდების საქმეში მთავარი პროკურატურისა და სასამართლო სისტემის სრული ჩავარდნაა”,-განაცხადა მან და აღნიშნა, რომ კატასტროფულმა ჩავარდნამ საზოგადოება იმ შედეგამდე მიიყვანა, თითქოს ახალგაზრდა ბიჭი, რომელსაც 12 ჭრილობა აქვს, არავის არ მოუკლავს.
ეს არის შედეგი იმ ვაკხანალიისა და მარაზმის, რაც ხდება. დროებითი საგამოძიებო კომისია უნდა შეიქმნას, სრულიად გაუგებარია, რა არის აქ გადასაწყვეტი”, – განაცხადა კაპანაძემ.
