გვაქვს მოლოდინი, რომ სასამართლო ორივე ბრალდებულს წარდგენილ ბრალდებაში დამნაშავედ ცნობს - განაცხადა ჟურნალისტებთან ხორავას ქუჩაზე მომხდარი მკვლელობის საქმის პროკურორმა.
როგორც ის განმარტავს, ბრალდების მხარეს გამამტყუნებელი განაჩენის მოლოდინი აქვს.
"დღევანდელ სასამართლო სხდომაზე სრულად დასრულდა საქმის განხილვა. დაცვის მხარემაც დაასრულა მისი დასკვნითი სიტყვა, რის შემდეგაც გადავედით რეპლიკების ეტაპზე, ორივე მხარემ წარმოვთქვით რეპლიკები, ასევე ბრალდებულებმა გააჟღერეს მათი საბოლოო სიტყვები.
დღეს ამით დასრულდა საქმის განხილვა. სხდომა ხვალ, 31 მაისს, 11:00 საათზე მოსამართლე გამოაცხადებდა განაჩენს.
ბრალდების მხარეს გვაქვს გონივრული მოლოდინი საქმეში არსებული ყველა მტკიცებულებიდან, მოწმეთა ჩვენებებიდან გამომდინარე, ექსპერტიზების დასკვნების, ნივთიერი და წერილობითი მტკიცებულებებიდან გამომდინარე, რომ მოსამართლე გაიზიარებს ბრალდების მხარის პოზიციას და ორივე ბრალდებულს წარდგენილ ბრალდებაში დამნაშავედ ცნობს.
რაიმე კონკრეტული, ახალი გამოვლენილი გარემოება, რომელიც უშუალოდ ამ საქმის შედეგებზე მოახდენდა ზეგავლენას, მთელი საქმის განმავლობაში არ გამოვლენილა. რაც შეეხება, ბრალდებულებთან მომავალში ჩასატარებელ საგამოძიებო თუ საპროცესო მოქმედებებს, რაც შესაძლოა, განხორციელდეს, ამასთან დაკავშირებით, მოგვიანებით მოგახსენებთ", - განაცხადა გოგოხიამ.