საპარლამენტო ფრაქცია "ერთიანი ნაციონალური მოძრაობის" წევრ სალომე სამადაშვილის განცხადებით, სწორია, რომ საქართველო დიპლომატიურ ურთიერთობებს სირიასთან წყვეტს, მაგრამ გაუგებარია, ეს რა შედეგს გამოიღებს, თუ საქართველო ჩვეულ რეჟიმში გააგრძელებს იმ ქვეყანასთან ურთიერთობას, რომელიც ამ გადაწყვეტილების დამკვეთია.
მისი თქმით, საინტერესოა, რა ძალისხმევა გაატარა საქართველოს დიპლომატიურმა სამსახურმა იმისთვის, რომ დროუილად შეეტყო ამ საფრთხის შესახებ და საერთოდ რაიმე ნაბიჯი გადადგა თუ არა ამ საფრთხის გასანეიტრალებლად.
"დიდი მადლობა საქართველოს ყველა სტრატეგიულ მოკავშირეს, სახელმწიფოსა და ორგანიზაციას იმისთვის, რომ სირიის სისხლიანი და მოძალადე რეჟიმის მიერ მიღებული გადაწყვეტილება დაგმეს, რომელიც საერთაშორისო სამართლის ყველა ნორმას უხეშად არღვევს და გასაგებია, რომ სირიის ხელისუფლება რუსეთის პირდაპირ დაკვეთას ასრულებს.
სწორია, რომ საქართველო დიპლომატიურ ურთიერთობებს სირიასთან წყვეტს, მაგრამ გაუგებარია, ეს რა შედეგს გამოიღებს, თუ საქართველო ჩვეულ რეჟიმში გააგრძელებს იმ ქვეყანასთან ურთიერთობას, რომელიც თქვენი აღიარებით, ამ გადაწყვეტილების დამკვეთია. ქალბატონებო და ბატონებო ეს არის რუსეთის პასუხი იმ პოლიტიკაზე, რომელსაც თქვენი ხელისუფლება ატარებს და პრაგმატული პოლიტიკის სახელით მოიხსენიებთ. დიახ ეს პოლიტიკა ძალიან პრაგმატულია რუსეთისთვის, იმიტომ, რომ ის ნელ-ნელა ყველა სტრატეგიულ ამოცანას ახორციელებს, რომელიც ამ ქვეყანასთან დაკავშირებით აქვს, მათ შორის საქართველოს ოკუპირებული ტერიტორიების ანექსია და ახლა უკვე არ აღიარების პოლიტიკის ჩამოშალა, რაც სახელმწიფო მნიშვნელობის საკითხია.
ამიტომ, როდესაც დღეს ვსაუბრობთ იმაზე, რომ შეიძლება რუსეთთან გავაგრძელოთ ურთიერთობები, ანუ აბაშიძე-კარასინის შეხვედრები, სადაც ცინიკურ პასუხს იღებთ, მათ შორის ჩვენი მოქალაქეების მკვლელობაზე, როდესაც ჩვეულ რეჟიმში გრძელდება და იქმნება გაბნცდა, რომ არაფერი განსაკუთრებული არ ხდება, რუსეთის მიერ საკუთარი ინტერესების გატარება გაგრძელდება.
ჩვენთვის საინტერესოა, რა ძალისხმევა გაატარა საქართველოს დიპლომატიურმა სამსახურმა იმისთვის, რომ დროუილად შეეტყო ამ საფრთხის შესახებ და საერთოდ რაიმე ნაბიჯი გადადგა თუ არა ამ საფრთხის გასანეიტრალებლად.
მაგალითად, საინტერესოა რა გავლენა ჰქონდა ჩამოშლილ ურთიერთობებს ჩვენ მეზობელ ირანთან, ასევე საინტერესოა იმუშავა თუ არა დიპლომატიურმა სამსახუმრმა არაბთა ლიგის სახელმწიფოებთან იმისათვის, რომ ეს გადაწყვეტილება შეეჩერებინა.
სირიის მსგავსი რეჟიმიც კი არ არსებობს მარტო მსოფლიოში და მათზე ზეგავლენის ბერკეტები არსებობს, რომელიც სამწუხაროდ ამ ხელისუფლებამ ვერ გამოიყენა, შესაბამისად საგარეო საქმეთა მინისტრს ველოდებით პარლამენტში იმისთვის, რომ პასუხები გაგვცეს რა ღონისძიებები გატარდა ამის თავიდან ასაცილებლად და ასევე რა საფრთხის წინაშეა დღეს საქართველო და არსებობს თუ არა საფრთხე, რომ სირიის მსგავსად სხვა სახელმწიფოებმაც მიიღონ მსგავსი გადაწყვეტილება.
ჩვენ ყველა ბერკეტს გამოვიყენებთ, რათა ხელისუფლებამ საკუთარი მძინარე დიპლომატია გამოაღვიძოს და ასევე დაზვერვის სამსახური, რომელსაც ევალება მსგავს საქმეებზე ინფორმირება და დროუილი რეაგირება’’, - განაცხადა სალომე სამადაშვილმა.
