20 მაისს, თბილისში, გლდანში, ომარ ხიზანიშვილის ქ. №35-ში (მეტროსადგურ “ახმეტელი”-დან 100 მეტრში), ცნობილი ამერიკული ბრენდის, “საბვეი”-ს რესტორანი გაიხსნება.
“საბვეის” რესტორანი მომხმარებლებს ახლად მომზადებულ სედნივჩებს, სალათებს და ორცხობილებს შესთავაზებს. “საბვეი”-ს სენდვიჩები ყოველდღიურად, ადგილზე გამომცხვარი პურის რამდენიმე სახეობით, მაღალი ხარისხის ინგრედიენტებით და ახლად დაჭრილი ბოსტნეულის გამოიყენებით მზადდება. სენდვიჩების და სალათების მომზადება უშუალოდ მომხმარებლის თვალწინ და მისი გემოვნებით ხდება. რესტორანში წარმოდგენილია ყავისა და გამაგრილებელი სასმელების ფართო არჩევანი.
გლდანში “საბვეი”-ს რესტორნის გახსნისათვის ფრენჩაიზის ლიცენზიის მფლობელმა ჯამში 500 000 ლარამდე ინვესტიცია განახორციელა. აღნიშნული პროექტის ფარგლებში 20-მდე ადამიანის, ძირითადად კი სტუდენტების დასაქმება მოხდება. გლდანში გახსნილი რესტორანი საქართველოში “საბვეი”-ს 8-ე ფილიალი იქნება. აქედან 7 ფილიალი თბილისის სხვადასხვა უბანშია წარმოდგენილი, ხოლო 1 ბათუმში. ბრენდი მომავალში თბილისსა და საქართველოს სხვა ქალაქებშიც გეგმავს გაფართოებას.
"საბვეი"-ს ბრენდი, აშშ-ში 1965 წელს დაარსდა და იგი მსოფლიოში რესტორნების ყველაზე დიდ ქსელს აერთიანებს. დღეისათვის "საბვეი" ყველაზე მზარდი გლობალური ფრენჩაიზია და მისი ქსელი 111 ქვეყანაში, 44000-მდე რესტორანს ითვლის.
