საქართველოს პრეზიდენტი მიხეილ სააკაშვილი რუსეთის მიერ საქართველოს წინააღმდეგ ომის დაწყების მიზეზებზე საუბრობს და აცხადებს, რომ მიუხედავად საქართველოს ტერიტორიის ორი რეგიონის ოკუპირებისა, მტერმა საქართველოსთან დაკავშირებული, საკუთარი მიზნები ვერ განახორციელა. სააკაშვილის განმარტებით, რუსეთმა ვერ მიაღწია საქართველოს ხელისუფლების დამხობას, ეკონომიკურად გატეხვას, ქვეყნის საერთაშორისო იზოლაციას და საქართველოს განადგურების მცდელობით, პოსტ-საბჭოთა ქვეყნების დაშინებას და იმპერიული გავლენის სფეროს აღდგენას. ამის შესახებ პრეზიდენტმა მუხათგვერდის ძმათა სასაფლაოზე განაცხადა, სადაც საქართველოს პატრიარქთან, უწმინდესსა და უნეტარეს, ილია მეორესთან ერთად, აგვისტოს ომში დაღუპული ჯარისკაცების ხსოვნას პატივი მიაგო.
" მინდა კარგად გავესმოდეს რას მიაღწიეს ჩვენმა ბიჭებმა თავის თავგანწირვით - დაანახეს, რომ საქართველოს შეუძლია ბრძოლა და ქვეყნის შეიარაღებული ძალები აქციეს უფრო აღმატებულად მტრის წინაშე. მტერმა ვერ მოახერხა თავისი მთავრი, გამოცხადებული ამოცანების შესრულება - საქართველოს ხელისუფლების დამხობა, რაც იყო მათი მიზანი თავის ხალხის, თავის ჯარის და მსოფლიოს წინაშე. ხელისუფლებას დამხობა მათ იმიტომ კი არ სურდათ, რომ ჩვენი მთავბრობის რომელიმე წევრი არ მოსწონდათ, ასეთი ფიქრი ძალიან მიმაიტი და სახიფათო იქნებოდა. მას ხელისუფლების დამხობა სურს, იმისათვის, რომ შეცვალოს საქართველოს პოლიტიკური კურსი, მაგრამა მტერმა ეს ვერ მოახერხა. უფრო მეტიც ეს კურსი უფრო გამტკიცდა და შეუქცევადი გახდა. მტერმა ვერ მოახერხა საქართველოს იზოლაცია მიუხედავად უზარმაზარი რესურსების, დაშიენბის, შანტაჟის, ყველანირი პროპაგანდისტული ქმედებისა, რომელიც ცხელ ომს მოჰყვა. მტერმა საქართველო ამით საერთაშორის იზოლაციაში ვერ მოაქცია", - აღნიშნა პრეზიდენტმა.
მისივე თქმით, მტერმა ვერ შეძლო მეორე მიზნის განხორციელებაც - საქართველოს განადგურებით და დაშინებით დაეშინებინა ყველა ერი პოსტ-საბჭოთა სივრცეში და აღედგინა საბჭოთა კავშირის გავლენის სფერო. მისი თქმით, აგვისტოს ომის შემდეგ საქართველო რეგიონში დაუმორჩილებლობის სიმბოლოდ იქცა. სააკაშვილის აზრით, საქართველო არა მხოლოდ გამოდის რუსული იმპერიული გავლენის სფეროდან, არმადე ამ პროცესს მოჰყვება ძველი იმპერიული გავლენის სფეროების დაშლაც.
"ისე როგორც არასდროს, მას აქვს პრობლემები იმპერიული გავლენის სფეროს აღდგენასთან დაკვშირებით, როგორც არასდროს შემცირებულია შიში და რიდი სწორედ იმის გამო, რომ ერთ-ერთ ყველაზე პატარა ქვეყნას არ შეეშინდა და უკან არ დაიხია - არ გატყდა. მტერმა ვარ მოახერხა არა მხოლოდ საქართველოს დამორჩილება და დაუმორჩილებლობის სიმბოლოს გაქრობა, არამედ გახადა, როგორც დაუმორჩილებლობის სიმბოლო, ყველა პოსტ-საბჭოთა სივრცის ქვეყნებისათვის. საქართველო არა მხოლოდ გამოდის რუსული იმპერიული გავლენის სფეროდან, რაც საშვილიშვილო ისტორიული პროცესია, არმადე ამ პროცესს მოჰყვება ძველი იმპერიული გავლენის სფეროების დაშლა. სულ უფრო მეტი ხალხი იმაღლებს ხმას თავისუფლებისათვის, რაც რეგიონში, ცხინვალში ჩვენი გმირული წინააღმდეგობის პირდაპირი გამოძახილია", - განაცხადა პრეზიდენტმა და დასძინა, რომ მტერმა ვერ მოახერხა საქართველოს ეკონომიკურიდდ წელში გატეხვა და "უფრო მეტიც - საქართველო ვითრედება".
