უკანასკნელი ორი დღის განმავლობაში პაკისტანის ქალაქ ყარაჩიში მომხდარი არეულობის დროს 60 ადამიანი დაიღუპა, ხოლო 150 დაიჭრა.
ამის შესახებ "იტარ-ტასი" პაკისტანის შინაგან საქმეთა სამინისტროზე დაყრდნობით იუწყება.
მათი ინფორმაციით, დაპირისპირებები ორ ადგილობრივ პოლიტიკურ პარტიის აქტივისტებს შორის მიმდინარეობს, რომლებიც ერთმანეთს ბრალს კორუფციასა და ეროვნული უმცირესობის დისკრიმინაციაში დებენ.
ყარაჩიში ვითარება განსაკუთრებით მას შემდეგ დაიძაბა, როდესაც დაუდგენელმა პირებმა ერთ-ერთი ოპოზიციური პარტიის "მუთხად კომი მუვმენტის" ლიდერი რაზა ხაიდერი მოკლეს.
აღნიშნული პარტიის მხარდამჭერები მათი ლიდერის მოკვლის შემდეგ მის პოლიტიკურ ოპონენტებზე შურისძიებით იმუქრებიან.
