ოს სეპარატისტთა ლიდერის ე.წ. რწმუნებული პოსტკონფლიქტური დარეგულირების საკითხებში ბორის ჩოჩიევი აცხადებს, რომ ოსმა სეპარატისტებმა ჟენევის საერთაშორისო მოლაპარაკებათა თანათავმჯდომარეებს დრო მისცეს, ძალის გამოუყენებლობის შესახებ ხელშეკრულებაზე კონკრეტული წინადადებების წარმოსადგენად.
ამას გარდა, ჩოჩიევი ასევე აცხადებს, რომ ჟენევის საერთაშორისო მოლაპარაკებათა მე-12 რაუნდზე დისკუსიების მონაწილეებმა მოისმინეს საქართველოში მყოფი დამკვირვებელთა მისიის ხელმძღვანელის ჰანსიორგ ჰაბერის მიერ წარმოდგენილი ანგარიში, რომელიც ჩოჩიევის თქმით, ცალმხრივი და ტენდენციური იყო.
ბორის ჩოჩიევი ასევე აცხადებს, რომ მე-12 რაუნდზე ასევე მწვავედ წარიმართა დისკუსია ჰუმანიტარულ საკითხებზე მომუშავე ჯგუფში, რომელიც დევნილთა პრობლემებს განიხილავს.
"ჩვენ განვაცხადეთ, რომ დევნილების დაბრუნებაზე საუბარიც კი არ შეიძლება მანამ ვიდრე საქართველო ჩვენთან საომარ მდგომარეობაში იმყოფება. მეორე ჯგუფიდან ჩვენ ველით გადარეგისტრირებას იმ ადამიანებისა, რომლებიც ქართული რეჟიმის გამო 1989 წელს დაზარალდნენ", _ აცხადებს ჩოჩიევი.
