აჭარას განათლების, კულტურისა და სპორტის მინისტრად გია აბულაძე დაინიშნა. გია აბულაძემ მინისტრის პოსტი დღეს ოფიციალურად დაიკავა. ახალი მინისტრის წარდგენა აჭარის მთავრობის დღევანდელ სხდომაზე მოხდა.
გია აბულაძე პროფესიით იურისტია. მინისტრობამდე ის ბათუმის საკრებულოს თავმჯდომარის პოსტს იკავებდა.
შეგახსენებთ, რომ აჭარის განათლების, კულტურისა და სპორტის მინისტრის თანამდებობა უკვე ორი კვირაა ვაკანტურია. მათე ტაკიძემ მინისტრის პოსტი საკუთარი განცხადების საფუძველზე დატოვა.
