კომპანია `თელასის" ქვესადგურში `დანამო" პროფილაქტიკური სარემონტო სამუშაოების გამო, ხვალ, 4 აგვისტოს ღამის 00:01 საათიდან დილის 00:07 საათამდე დიდუბე-ჩუღურეთის რაიონის მოსახლეობის ნაწილს ელექტრომომარაგება დროებით შეუწყდება. ინფორმაციას ამის შესახებ "თელასის" საზოგადოებასთან ურთიერთობის დეპარტამენტი ავრცელებს.
მათი ინფორმაციით, ელექტრომომარაგება შეეზღუდება: აღმაშენებლის, წერეთლისა და თამარ მეფის გამზირების ნაწილს, ევდოშვილის, ცაბაძის, დიდუბის, ფოთის, აგლაძის, ქუთაისის, გაფრინდაულის, სოხუმის, გოგოლის, ზუგდიდის, ბათუმის, ფიფიას, საგურამოს, მაიაკოვსკის, ქინქლაძის, დადიანის, თევდორე მღვდლის, ვახუშტი ბაგრატიონის, გორის, 9 ძმის, ფიროსმანის, ჩიტაიას, კონსტიტუციის, ზაზიშვილის, ფოცხვერაშვილის, ნინოშვილის და მიმდებარე ქუჩების მაცხოვრებლებს.
ელექტროენერგიის მიწოდება შეუწყდება ვაგონშემკეთებელ ქარხანას, რკინიგზის საავადმყოფოს, გერმანიის საელჩოს, ტრანსპორტის პოლიციას, რომელთაც დაგეგმილი სარემონტო სამუშაოების შესახებ წინასწარ უკვე ეცნობა.
სარემონტო სამუშაოების დამთავრებისთანავე მომხმარებლებს ელექტროენერგიის მიწოდება აღუდგება.
