ლოს-ანჯელესში, დოლბის თეატრში, თბილისის დროით 05:00-ზე ოსკარის რიგით 90-ე დაჯილდოების ცერემონია გაიმართა.
ღონისძიებას ამერიკელი კომიკოსი ჯიმი კიმელი უძღვებოდა.
ამერიკის კინოაკადემიამ წლის საუკეთესო ფილმად გილერმო დელ ტოროს The Shape of Water დაასახელა. ფილმში მთავარ როლს სალი ჰოვკინსი ასრულებს.
ნომინაციაში მამაკაცის როლის საუკეთესო შემსრულებელი, გამარჯვებული გახდა გარი ოლდმანი ფილმისთვის Darkest Hour. მსახიობი ფილმში უინსტონ ჩერჩილის როლს ასრულებს. აღსანიშნავია, რომ ეს გარი ოლდმანისთვის პირველი ოსკარია.
ფილმმა Darkest Hour ასევე მიიღო ოსკარი ნომინაციაში საუკეთესო გრიმი და ვარცხნილობა.
ნომინაციაში მთავარი როლის შემსრულებელი მსახიობი ქალი გამარჯვებული გახდა ფრენსის მაკდორმანდი, ფილმისთვის Three Billboards outside Ebbing, Missouri.
მეორეხარისხოვანი როლის შესრულებისთვის საუკეთესო მსახიობი კაცი სემ როკუელი გახდა, ფილმისთვის Three Billboards outside Ebbing, Missouri, ხოლო მსახიობი ქალი კი ელისონ ჯენი ფილმისთვის I, Tonya.
ნომინაციაში საუკეთესო რეჟისორი გილერმო დელ ტორომ გაიმარჯვა, ფილმისთვის The Shape of Water.
დელ ტოროს ფილმმა The Shape of Water კიდევ ორი ოსკარი - საუკეთესო მხატვრობისთვის და საუკეთესო მუსიკისთვის დაიმსახურა.
რაც შეეხება სხვა ნომინაციებს, სრული სია ასე გამოიყურება:
საუკეთესო უცხოენოვანი ფილმი - Coco
საუკეთესო სიმღერა ფილმისთვის - Remember Me, ფილმისთვის Coco
საუკეთესო ორიგინალური სცენარი - Get Out
საუკეთესო ადაპტირებული სცენარი - Call Me by Your Name
კოსტიუმების საუკეთესო დიზაინი - Phantom Thread
საუკეთესო ოპერატორული ნამუშევარი - Blade Runner 2049, რომელმაც ასევე გაიმარჯვა ნომინაციაში საუკეთესო ვიზუალური ეფექტები
საუკეთესო მონტაჟი - Dunkirk (ფილმმა ასევე გაიმარჯვა ნომინაციებში ხმის საუკეთესო მონტაჟი და საუკეთესო მიქსინგი)
საუკეთესო დოკუმენტური ფილმი - Icarus
საუკეთესო მოკლემეტრაჟიანი დოკუმენტური ფილმი - Heaven Is a Traffic Jam on the 405
საუკეთესო მოკლემეტრაჟიანი ფილმი - The Silent Child
საუკეთესო მოკლემეტრაჟიანი ანიმაციური ფილმი - Dear Basketball
დაჯილდოების ცერემონიის შემდეგ ფოტოგრაფების განსაკუთრებული ყურადღება მსახიობმა ჯენიფერ ლოურენსმა დაიმსახურა:
ავტორი: . .
