რუსეთის საგარეო საქმეთა სამინისტრო აშშ-ს სახელმწიფო დეპარტამენტის მიერ გამოქვეყნებულ ანგარიშს ეხმაურება და განცხადებას ავრცელებს. რუსეთის საგარეო საქმეთა სამინისტროს განცხადებით, აშშ-ს სახელმწიფო დეპარტამენტმა გამოაქვეყნა ანგარიში "2010. განიარაღების გაუვრცელებლობისა და შეიარაღების კონტროლის შესახებ სფეროში ხელმოწერილი შეთანხმებებისა და ვალდებულებების დაცვის შესახებ". მასში წარმოდგენილია უცხო სახელმწიფოების მიერ შესაბამისი შეთანხმებების შესრულების შეფასება.
რუსეთის საგარეო უწყება შეშფოთებას გამოთქვამს, რომ "რაიმე სახის ფაქტების წარმოდგენის გარეშე რუსეთი ამ ხელშეკრულებების "დამრღვევთა" რიგებშია".
უწოდებს რა "ტენდენციურს" ამ ანგარიშს, რიგ საკითხებზე ახსნა-განმარტებებისა და საკუთარი მოსაზრებების მოყვანის გარდა, რუსეთის საგარეო საქმეთა სამინისტრო, საქართველოს რუსეთის მიერ ოკუპირებულ რეგიონებსაც ეხება. საქართველოს შესახებ ანგარიშში მოყვანილ მოსაზრებას რუსეთს საგარეო უწყება "არაკორექტულ მტკიცებულებას" უწოდებს.
"კიდევ ერთი არაკორექტული მტკიცებულება _ "რუსული სამხედრო ძალის მოლდოვასა და საქართველოში ყოფნა ამ სახელმწიფოების ნების საწინააღმდეგოდ". ავღნიშნავთ, რომ საქართველოში უკვე კარგა ხანია არ არის არც ერთი რუსი ჯარისკაცი. ხოლო აფხაზეთი და სამხრეთ ოსეთი კი სადაც არის განთავსებული რუსული სამხედრო ძალა, სხვათა შორის ხელშეკრულებების საფუძველზე - საქართველოს ნაწილები არ არიან.
