ბრაზილიაში იუნესკო-ს მსოფლიო მემკვიდრეობის ყოველწლიური 34-ე სესია გაიხსნა, სადაც 187 ქვეყანასთან ერთად მონაწილეობას საქართველოც იღებს. საქართველოს აღნიშნულ სესიაზე კულტურული მემკვიდრეობის ეროვნული სააგენტოს ხელმძღვანელი, ნიკოლოზ ვაჩეიშვილი და საქართველოს ელჩი საფრანგეთში, მამუკა კუდავა წარმოადგენენ.
ნიკოლოზ ვაჩეიშვილი მცხეთის კულტურული ძეგლების, გელათის მონასტრისა და ბაგრატის ტაძარზე განხორციელებული სარეაბილიტაციო სამუშაოების შესახებ, აუდიტორიის წინაშე მოხსენებითაც წარსდგება.
როგორც ცნობილია, აღნიშნული სამივე ძეგლი იუნესკო-ს მსოფლიო კულტურული მემკვიდრეობის ნუსხაშია შეტანილი.
საერთაშორისო ფორუმზე ახალი ობიექტების მიღების საკითხიც განიხილება.
