საქართველოს პრეზიდენტის განცხადებით, ყველა სოფელს უნდა ჰყავდეს თავისი დაცვა, საქართველოს ყველა დასახლებულ ადგილში უნდა იყოს შესაბამისი მომზადების პატარ-პატარა ჯგუფები, მინიმალური იარაღით. პრეზიდენტის განცხადებით, თავისი სოფლის, ქუჩის, ქალაქის და რაიონის დაცვა ყველას უნდა შეეძლოს. ამის შესახებ პრეზიდენტმა თავდაცვის სამინისტროში გამართულ შეხვედრაზე ისაუბრა.
პრეზიდენტმა სამოქალაქო თავდაცვის სისტემის გაძლიერების აუცილებლობაზე ისაუბრა და აღნიშნა, რომ ამ მიმართულებით რეზერვისტთა სისტემამ ვერ გაამართლა, საქართველოს არმიას რადგან საკმარისი ოფიცრები არ აღმოაჩნდა.
"ამასთან აუცილებელია სამოქალაქო თავდაცვის სიცოცხლისუნარიანი სისტემის ჩამოყალიბება. აქაც კონცეფცია არის გადასახედი. ჩვენ გვყავდა რეზერვისტთა ბატალიონები და მათთვის არ გვეყო ოფიცრები. მათ უნდა ჰქონდეთ სხვა ამოცანა. ყველა სოფელს უნდა ჰყავდეს თავის დაცვა, საქართველოს ყველა დასახლებულ ადგილებში უნდა იყოს შესაბამის მომზადების პატარ-პატარა ჯგუფები, მინიმალური იარაღით, რომ ყველამ შესძლოს თავის სოფლის, თასვის ქუჩის, ქალქის, რაიონის დაცვა", - განაცხადა პრეზიდენტმა.
სააკაშვილის განმარტებით, იმ შემთხვევაში თუ, მოწინააღმდეგე უკვე დაკავებული და ეთნიკურად გაწმენდილი რეგიონებიდან წინ გადმოწევას მოინდომებს. იგი წინააღმდეგობას ყოველ კვადრატულ მეტრზე უნდა წააწყდეს. ამისათვის კი, პრეზიდენტის აზრით, სამოქალაქო თავდაცვის სისტემის განვითარებაა აუცილებელი.
"ამგვარად, თუ მოწინააღმდეგე გადაწყვეტს უკვე დაკავებული და ეთნიკურადი გაწმენდილი რეგიონებიდან წინ გადმოწევას, ყოველი კვადრატული მეტრი მის ფახქვეშ უნდა იწვოდეს, ეს არის ძირითად ამოცანა. ამას უნდა სათანადო დონეზე სამოქალაქო თავდაცვის განვითარება და საბოლოო ჯამში საქართველოს დაცვა ეს არ არის რამდენიმე ათასი პროფესიონალის დაცვა, ეს არის მრაველეთნიკური საქართველოს წარმოამდგენლის მთავრი ამოცანა, რადგან ჩვენ ყველა ერთად შევადგენთ ქართველ ერს და საქართველოს ხალხს", - განაცხადა პრეზიდენტმა.
