სარფის საკონტროლო გამშვებ პუნქტს ახალი ხელმძღვანელი ჰყავს. როგორც სააგენტო "ჯი-ეიჩ-ენს" შემოსავლების სამსახურის უფროსმა გიორგი ცხაკაიმ განუცხადა საბაჭო-გამშვები პუნქტის უფროსის თანამდებობაზე კიაზო ახალაია დაინიშნა.
საკადრო ცვლილება სარფის საბაჟოზე გუშინ საქართველოს პრეზიდენტის კრიტიკული განცხადების შემდეგ განხორციელდა.
შეგახსენებთ, რომ გუშინ მიხეილ სააკაშვილმა სარფის გამშვებ პუნქტზე მოქმედი სისტემის გამო, ფინანსთა სამინისტროს შესაბამის სამსახურს უსაყვედურა. სააკაშვილის განცხადებით, საქართველოს და თურქეთს შორის ერთიანი გამშვები პუნქტი, ერთი ფანჯრის პრინციპით უნდა არსებობდეს. მისი თქით, ევროპის არც ერთ ქვეყანაში არ ხდება ისე, რომ საზღვარზე გადასულ ყველა ადამიანს სათითაოდ ჩხრეკდნენ და ამოწმებდნენ.
"თქვენ შექმენით სისტემა, რომლითაც ყველა ადამიანი ჩამოგყავთ და ყველა ადამიანს ჩხრეკენ. ალბათ უცხოეთშიც დადიხართ და ალბათ ყოფილხართ ძალიან ბევრ საზღვარზე, სად გინახავთ, რომ ყველა შემოსულ სატრანსპორტო საშუალებას აჩერებენ და ჩამოყავდეთ ყველა ტურისტი და სათითაოდ ჩრხეკდნენ?!", - განაცხადა პრეზიდენტმა და აღნიშნა, რომ თუ სარფის სარფის საკონტროლო გამშვები პუნქტის ხელმძღვანელი ვიტარებას არ გამოასწორებს მისი წინამორბედის ბედს გაიზიარებს.
