აგვისტოს განმავლობაში ავიაკომპანია "ეარ ბათუმი" ბათუმი-თბილისი, თბილისი-ბათუმის მიმართულებით რეისებს დღეში რამდენჯერმე შეასრულებს. ორშაბათიდან ხუთშაბათის ჩათვლით რეისები შესრულდება დღეში ორჯერ, ხოლო უქმე დღეებში დღეში სამჯერ. რეისები შესრულდება თბილისის საერთაშორისო აეროპორტიდან “სააბ 340” ტიპის თვითმფრინავით.
ავიაკომპანია “ეარ ბათუმი” 1 ივნისიდან ასრულებს რეგულარულ რეისებს თბილისი-ბათუმი-თბილისის მიმართულებით. 2 ივლისიდან კი სრულდება უიქ-ენდ რეისები. “ეარ ბათუმმა” მომხმარებელს შესთავაზა ავიაბილეთები 19 ლარიდან. პირველი ივნისიდან დღემდე “ეარ ბათუმის” შიდა რეისით 3018 მგზავრმა ისარგებლა.
ავიაკომპანია “ეარ ბათუმი” ერთადერთი ავიკაომპანიაა, რომელიც 1 ივნისიდან მგზავრებს სთავაზობს რეგულარულ რეისებს თბილისი-ბათუმი-თბილისის მიმართულებით. ავიაკომპანია “ეარ ბათუმმა” საქართველოს სამოქალაქო ავიაციის დეპარტამენტიდან ლიცენზია მიმდინარე წლის 1 აპრილს მიიღო. კომპანიის დამფუძნებელი პარტნიორია Cebi Companies Group, რომელიც უკვე 25 წელზე მეტია მოღვაწეობს რამდენიმე სექტორში, როგორიცაა: ტურიზმი, საბროკერო და სამშენებლო საქმიანობა და საგარეო ვაჭრობა, განსაკუთრებით ევროპასა და თურქეთში. Cebi Aviation, რომელიც ბოლო წლებში გავიდა ახლო აღმოსავლეთის და ევროპის საავიაციო ბაზრებზე, გააჩნია ყველა ის მახასიათებელი, რომ იყოს უნიკალური თურქული კომპანია ამ სფეროში.
მასალის გამოყენების პირობები