დღეს, 28 ივლისს, 16:00 საათზე "რია ნოვოსტის" თბილისის პრესცენტრში გაიმართება მრგვალი მაგიდა სახელწოდებით: "საქართველოს ახალი კონსტიტუცია _ ქვეყნის მთავარი კანონი თუ ხელისუფლებაში დარჩენის ერთ-ერთი საშუალება?".
საქართველოს კონსტიტუციის ახალი პროექტი უკვე გამოტანილია სახალხო განხილვისათვის, რაც თავისთავად მრავალ აზრთა სხვადასხვაობას იწვევს. კერძოდ, ოპოზიცია მიიჩნევს, რომ ქვეყნის ახალი კონსტიტუცია _ ეს ქვეყნის ახლანდელი პრეზიდენტის ხელისუფლებაში დარჩენის ერთ-ერთი მეთოდია.
მრგვალი მაგიდის მიმდინარეობისას დისკუსიის მონაწილეები ქვეყნის მთავარი კანონის ახალ რედაქციას შეაფასებენ და შეეცდებიან პასუხი გასცენ კითხვას _ არსებობს თუ არა შანსი იმისა, რომ საერთო სახალხო კენჭისყრის დროს ახა კონსტიტუციაში რაიმე შეიცვალოს.
მრგვალ მაგიდაში მონაწილეობას მიიღებენ: საქართველოს პარლამენტის დეპუტატი, მოძრაობა "სამართლიანი საქართველოსათვის" წევრი პეტრე მამრაძე, ადვოკატი, საზოგადოებრივი საკონსტიტუციო კომისიის წევრი ლია მუხაშავრია, საზოგადოებრივი საკონსტიტუციო კომისიის წევრი ვახტანგ ხმალაძე, იურისტი და უფლებების დამცველი, არასამთავრობო ორგანიზაცია "კანონი ხალხისათვის" ხელმძღვანელი ზაქარია ქუცნაშვილი, თბილისის საკრებულოს წევრი კახა კუკავა, ლეიბორისტული პარტიის ერთ ერთი ლიდერი ნესტან კირთაძე.
