ქართულ-უკრაინული ურთიერთობების განმტკიცებისა და ქართული კულტურის პოპულარიზაციაში შეტანილი წვლილისათვის, საქართველოსთვის გაწეული თანადგომისა და ნაყოფიერი საზოგადოებრივი და საქველმოქმედო საქმიანობისათვის უკრაინის უმაღლესი რადას, პარტია "რეგიონების" წევრი, იაკოვ ტაბაჩნიკი საქართველოს პრეზიდენტმა, მიხეილ სააკაშვილმა ბრწყინვალების საპრეზიდენტო ორდენით დააჯილდოვა. ტაბაჩკინი უმაღლეს რადაში ორგანიზებულ დანაშაულთან და კორუფციასთან ბრძოლის საკითხთა კომიტეტის კონტროლის კოორდინაციისა და ინფორმაციულ ანალიტიკური უზრუნველყოფის საკითხთა ქვეკომიტეტის თავმჯდომარეა. ტაბაჩკინი სააკაშვილმა პრეზიდენტის ავლაბრის რეზიდენციაში მიიღო, სადაც კულტურის მოღვაწეები, მათ შორის ბუბა კიკაბიძე და ნანი ბრეგვაძე იმყოფბოდნენ.
"თქვენ ჩვენიანი ხართ. კარიერის დაწყებისას 6 წელი აჭარაში ცხოვრობდით. დღეს ნამდვილად ვერ იცნობთ ბათუმს. დღეს მოგიწვიეთ, რათა ნახოთ ის რაც ხდება ბათუმში, ეს საოცარია, მადლობა იმისთვის, რაც გააკეთეთ 2008 წლის აგვისტოში. თქვენ ერთ-ერთმა პირველმა, პოსტსაბჭოთა სივრცეში ხმა აიმაღლეთ სიმართლისთვის და იმისათვის, რომ დაგეცვათ საქართველო. ქართველი და უკრაინელი ხალხი ერთმანეთს უახლოვდება ისე, როგორც არასდროს. ეს ყველაფერი ახლა არ დაწყებულა, ეს მოდის ისეთი მოღვაწეებიდან, როგორიც თქვენ ხართ. ~, - განაცხადა სააკაშვილმა.
უკრაინელმა დეპუტატმა მიღებული ჯილდოსთვის პრეზიდენტს მადლობა გადაუხადა და აღნიშნა, რომ სააკაშვილმა საქართველოსთვის ბევრი გააკეთა.
