მდინარე მტკვარზე დასუფთავების აქცია გაიმართა, რომელშიც მონაწილეობა გარემოს დაცვისა და ბუნებრივი რესურსების მინისტრმა გოგა ხაჩიძემ, სამინისტროს და თბილისის მერიის საგანგებო სიტუაციების საქალაქო სამსახურის თანამშრომლებთან ერთად მიიღო.
დასუფთავების აქციის პარალელურად, გარემოს ეროვნული სააგენტოს დაბინძურების მონიტორინგის სამსახურის წარმომადგენლებმა მდინარე მტკვარზე სინჯები აიღეს.
პოლიეთილენის პაკეტებისგან მეტეხის მიმდებარე ტერიტორიაზე მდინარე მტკვრის მონაკვეთი გაიწმინდა. გოგა ხაჩიძის განცხადებით, ლაბორატორიული კვლევების მონიტორინგი ხელს შეუწყობს მდინარის დაბინძურების ხარისხის კონტროლს და შემცირებას.
როგორც სამინისტროში აღნიშნავენ, გარემოს დაცვის სამინისტრო აქციას - "გონივრულად გარემოსთან - პოლიეთილენის პაკეტი ბუნების მტერია" - მომავალშიც განაგრძობს.
