თბილისის სააპელაციო სასამართლოში პროცესი 14 საათზეა ჩანიშნული. დღეს მხარეები სასამართლოს წინაშე რეპლიკებით წარსდგებიან. ამის შემდეგ თავად მსჯავრდებული დეკანოზი მამალაძე საბოლოო სიტყვას წარმოთქვამს.
„ერთი წელი გავიდ ამას შემდეგ რაც ყოვლად უსაფუძვლო უკანონო სისხლის სამართლებრივი დევნაა მამა გიორგი მამალაძის მიმართ. დღეს დადგა ჟამი, რომ სააპელაციო სასამართლომ ეს უსამართლობა გაასწოროს და გამოიტანოს ერთადერთი სწორი და სამართლიანი გადაწყვეტილება. ამაზე მხოლოდ ჩვენი დაცვის მხარის პოზიცია კი არ მეტყველებს, არამედ არაერთი არასამთავრობო ორგანიზაციის მიერ მომზადებული დასკვნა, სახალხო დამცველის ყველაზე ობიექტური და მიუკერძოებელი ანგარიში“ - განაცხადა ჟურნალისტებთან დეკანოზის ადვოკატმა პაატა მეხრიშვილმა.
როგორც ის განმარტავს დეკანოზი თავის საბოლოო სიტყვაში ყურადღებას გაამახვილებს იმ უსამართლობაზე და უკანონობაზე, რომელიც სამართალწარმოების პერიოდში მის მიმართ განხორციელდა. ასევე ის ისაუბრებს შანტაჟზე, რომელიც დაკავების მომენტში მის მიმართ განხორციელდა.
შეგახსენებთ, რომ დეკანოზი გიორგი მამალაძე გასული წლის 10 თებერვალს დააკავეს. 2017 წლის 5 დეკემბერს თბილისის საქალაქო სასამართლომ 9 წლით თავისუფლების აღკვეთა მიუსაჯა. დეკანოზის ადვოკატები საქალაქო სასამართლოს გადაწუყვეტილების გაუქმებას და მის გამართლებას ითხოვენ. ბრალდების მხარე კი ბრალის დამძიმებას და განაჩენში მკვლელობის ანგარებით მომზადების ჩამატებას ითხოვს.