საპარლამენტო უმრავლესობის ლიდერი არჩილ თალაკვაძე შსს-ს მიერ კამპანია -„არა ჩადებას” მხარდაჭერას ეხმიანება და აცხადებს, რომ გიორგი გახარიას აქვს რეფორმების გეგმა, რომელსაც მმართველი გუნდი მხარს უჭერს.
მისი შეფასებით, რეფორმების მნიშვნელოვანი ნაწილი ადამიანის უფლებების დაცვას, საკანონმდებლო ჩარჩოს გაუმჯობესებასა და პოლიციელთა სამუშაო პირობების გაუმჯობესებას ეხება.
„მინდა, პოლიციელების მიმართ მხარდაჭერა გამოვხატო, რადგან ისინი ყოველდღიურად ძალიან მნიშვნელოვან, რთულ და რისკიან საქმეს ასრულებენ. სისტემაში დაგეგმილია რეფორმები და რასაც სამინისტრო აკეთებს, ამ რეფორმების ნაწილია”, – განაცხადა არჩილ თალაკვაძემ.
შინაგან საქმეთა სამინისტრო აქციას – „არაჩადებას“ გუშინ შეურთდა.