საქართველოს პრეზიდენტის მიხეილ სააკაშვილის შეფასებით, სასჯელაღსრულებისა და პრობაციის სამინისტრო სრულფასოვან უწყებად ჩამოყალიბდა. მისი თქმით, მისასალმებელია ის ფაქტი, რომ პრობაცია, პროკურატურას, იუსტიციის სამინისტროს და აღმსარულებლი ხელისუფლების სხვა უწყებებს გაემიჯნა. ამის შესახებ პრეზიდენტმა ხათუნა კალმახელიძის უწყებაში სტუმრობისას განაცხადა, სადაც დეპარტამენტების ხელმძღვანელებიც იმყოფებოდნენ.
"მიხარია, რომ სამინისტრო სრულფასოვან უწყებად ჩამოყალიბდა. სწორია, რომ ციხეები ცალკე უნდა იყოს გამოტანილი და პრობაცია, პროკურატურას, იუსტიციის სამინისტროს და აღმსარულებლი ხელისუფლების სხვა უწყებებს უნდა გაემიჯნოს, იმისთვის რომ პატიმრები ნეიტრალურ მდგომარეობაში იყვნენ", - განაცხადა სააკაშვილმა.
