საქართველოს პრემიერ-მინისტრი გიორგი კვირიკაშვილი შსს-ს მიერ დაანონსებულ საკანონმდებლო ცვლილებებს გამოეხმაურა და მთავრობის სხდომაზე განაცხადა, რომ დასჯადი ხდება კანონიერი ქურდისთვის მიმართვაც.
„ჩვენ შევიმუშავეთ კანონში ცვლილებათა პაკეტი, რომელიც ქურდული სამყაროს წევრობისა და კანონიერი ქურდობისთვის სასჯელის გამკაცრებას ითვალისწინებს. ასევე დასჯადი ხდება კანონიერი ქურდისთვის მიმართვაც. შსს-ში მიმდინარეობს ძირეული ცვლილებების პროცესი. გიორგი გახარიას ამ პროცესში ძალიან დიდი მხარდაჭერა აქვს,“ - განაცხადა გიორგი კვირიკაშვილმა.
