აჭარაში წელს 600 ტონამდე ჩაის მოსავალე ელოდებიან. როგორც "ჯი-ეიჩ-ენს" აჭარის სოფლის მეურნეობის სამინისტროში განუცხადეს, ამ დროისათვის საპროგნოზო მაჩვენებლის 50 % ანუ 300 ტონა ჩაის ფოთოლი უკვე გადამუშავებულია. რეგიონში ჩაის გადამამუშავებას რამოდენიმე ახორციელებს.
შპს "იაგო"-მ იანვარ-ივნისში აწარმოა და ბელორუსიის მიმართულებით ექსპორტზეც გაიტანა 102 ტონა აგურა ჩაი;შპს "ემირი"-ს მიერ საექსპორტოდ წარმოებულია 6 ტონა შავი ბაიხის ჩაი და 60 ტონა მწვანე აგურა ჩაის ნედლეული; შპს "აჭარა ინვესტ ჩაი"-ს მიერ მიმდინარე წლის მაისის თვეში, ხელვაჩაურის მუნიციპალიტეტის სოფელ მარადიდში, ამოქმედებული იქნა ჩაის გადამამუშავებელი მიკრო-ფაბრიკა, რომელშიც იწარმოება შავი ბაიხის ჩაი, კომპანია წლის ბოლომდე 70 ტონა ნედლი ჩაის ფოთლის გადამუშავებას გეგმავს. მიმდინარე პერიოდისათვის კომპანიის მიერ გადამუშავებულია 19 ტონა ჩაის ფოთოლი. შპს "აგროფირმა ქობულეთი"- აწარმოებს შპს "მილენიუმ ტრანსი"-ს მიერ მოკრეფილი ჩაის ფოთლის მიღება-გადამუშავებას. კერძოდ, მწვანე და შავი ბაიხის ჩაის წარმოებას. მიმდინარე პერიოდისათვის კომპანიის მიერ გადამუშავებულია 250 ტონა ჩაის ფოთოლი.
