საქართველო მთავრობა კოსოვოს დამოუკიდებლობის აღიარების საკითხს არ განიხილავს. ამის შესახებ "ჯი-ეიჩ-ენს" რეინტეგრაციის საკითხებში სახელმწიფო მინისტრმა თემურ იაკობაშვილმა განუცხადა.
"საქართველოს ხელისუფლება კოსოვოს დამოუკიდებლობის აღიარებას არც განიხილავდა და არც მომავალში აპირებს მის განხილავს", - აღნიშნა "ჯი-ეიჩ-ენთან" საუბარში იაკობაშვილმა.
შეგახსენებთ, რომ აშშ-ს სახელმწიფო მდივანმა ჰილარი კლინტონი გაერო-ს საერთაშორისო სასამართლოს მიერ კოსოვოს დამოუკიდებლობის აღიარებას მიესალმა და მსოფლიოს დანარჩენ ქვეყნებს კოსოვოს აღიარებისკენ მოუწოდა.
მისივე შეფასებით, კოსოვო დამოუკიდებელი ქვეყანაა და მისი ტერიტორია განუყოფელია. "სერბეთი და კოსოვო კი მეგობრები და ამერიკის შეერთებული შტატების პარტნიორები არიან". "ის დრო დადგა, როცა უთანხმოება უნდა დასრულდეს და იმოქმედონ იმისათვის, რათა კოსოვოს ხალხის, სერბეთისა და მთლიანად რეგიონის ცხოვრების გაუმჯობესებითვის პრაქტიკული საკითხები მოგვარდეს", - აღნიშნა კლინტონმა.
