"იმედი მაქვს სამთავრობო შეხვედრები მალე სოხუმსა და ხანკენდში გაიმართება", - ამის შესახებ განცხადება დღეს აზერბაიჯანს პრემიერ-მინისტრმა არტურ რასიზადემ ქართულ დელეგაციასთან შეხვედრისას გააკეთა.
რასიზადეს განცხადებით, ისევე როგორც საქართველოს, აზერბაიჯანსაც აქვს ტერიტორიული მთლიანობის პრობლემა.
"ჩვენ ამ პრობლემის მოგვარებას მშვიდობიანი გზით მოველოდით, თუმცა პრობლემა ამ მიმართულებით ვერ გვარდება და ამიტომ აზერბაიჯანის მთავრობა სხვა გზებსაც ეძებს", - განაცხადა არტურ რასიზადემ.
მისივე განცხადებით, აზერბაიჯანის მთავრობამ მოახერხა იმდენი, რომ დღეს აზერბაიჯანის თავდაცვის ბიუჯეტი მთლიანობაში სომხეთის ბიუჯეტს უტოლდება.
რასიზადემ გაიხსენა ის პერიოდი, როდესაც აზერბაიჯანმა დაკარგა ყარაბაღი და ის დღეს ამ პრობლემის მოგვარებას ამაოდ ელის.
შეხვედრაზე საქართველოს პრემიერ-მინისტრმნა ნიკა გილაურმა განაცხადა, რომ ანალოგიური პრობლემა აქვს საქართველოსაც, რადგან ქვეყნის ტერიტორიის 20 პროცენტი რუსეთის მიერ არის ოკუპირებული.
