„ყველაფრის ზედმიწევნით შესრულებას ვაპირებ, რაც სასამართლომ დამაკისრა“, - ამის შესახებ სასამართლო დარბაზიდან გამოსულმა ოთარ აბესაძემ ჟურნალისტებს განუცხადა.
მისივე თქმით, დანარჩენზე მისი უფლებადამცველები ისაუბრებენ.
„ძალიან დიდი მადლობა მინდა გადავუხადო ყველა იმ ადამიანს, ვინც ჩემ მიმართ სოლიდარობა გამოიჩინა, ასევე, მინდა, ძალიან დიდი ბოდიში მოვუხადო ყველას, აღნიშნული უხერხულობისთვის და ამ მდგომარეობისთვის. აბსოლუტურად ყველაფრის ზედმიწევნით შესრულებას ვაპირებ, რაც სასამართლომ დამაკისრა. პროცესები გაგრძელდება და თქვენც დააკვირდებით, დანარჩენ კითხვებზე ჩემი უფლებადამცველები გაქცემენ პასუხს, ახლა ჩემს ოჯახთან წავალ“, - განუცხადა ჟურნალისტებს ოთარ აბესაძემ, რომელიც რამდენიმე წუთის წინ საქალაქო 10 000 ლარიანი გირაოთი გაათავისუფლეს.
შეგახსენებთ, მერიის ყოფილი თანამშრომელი ოთარ აბესაძე ქრთამის აღების ბრალდებით სუს-მა დააკავა. გამოძიების თანახმად, აბესაძემ მდინარე მტკვარზე, გარკვეული კონსტრუქციის აშენებისთვის საჭირო ნებართვის მისაღებად და ნებართვის მიღებამდე მშენებლობის წარმოების მფარველობის სანაცვლოდ მოქალაქეს 3 ათასი დოლარი ქრთამის სახით გამოართვა.
